Sunnulækjarskóli Selfossi

Slökun í 2.bekk

Í dag, fimmtudaginn 9. febrúar kl. 10:00 hugleiddu börn í  35 skólum á Íslandi.  Nemendur í 2. BH tóku þátt í deginum og fóru í smá slökun í taekwondó salnum. Börnunum fannst þetta virkilega skemmtilegt og voru áhugasöm og dugleg í slökuninni.

 

Hljóðfærakynning

Þriðjudaginn 7. febrúar fengum við góða gesti úr Tónlistarskóla Árnesinga sem komu til að kynna hljóðfæri fyrir nemendum 2. bekkjar.

Þessi heimsókn er sú fyrsta af fjórum og nú voru tréblásturhljóðfærin kynnt. Síðar munum við fá kynningu á málmblásturshljóðfærum, strokhljóðfærum og að lokum verður blönduð kynning á þeim hljóðfærum sem eftir standa.

Nemendur nutu kynningarinnar og ef að líkum lætur munu koma margir blásarar úr 2. bekk Sunnulækjarskóla þegar fram líða stundir.

Kynning á Fjölbrautaskóla Suðurlands

Kynning á Fjölbrautaskóla Suðurlands

Í dag komu náms- og starfsráðgjafar Fjölbrautaskóla Suðurlands í heimsókn til að kynna námsbrautir FSu og miðla til okkar frekari upplýsingum um nám að loknum grunnskóla. Foreldrum var einnig boðið að koma og hlýða á kynninguna og nýttu margir sér það.

Í fylgd með Agnesi og Önnu Fríðu, náms- og starfráðgjöfum FSu voru tveir fyrrum nemendur Sunnulækjarskóla, Sigþór Constantin og Jakob Burgel og þótti okkur það sérstaklega ánægjulegt.

Heimsókn af Hulduheimum

Heimsókn af Hulduheimum

Fimmtudaginn 19. janúar komu elstu börnin af leikskólanum Hulduheimum í heimsókn til okkar. Þau fóru í skoðunarferð um allan skólann í tveimur hópum og heimsóttu bæði starfsfólk og nemendur.

Í lokin stöldruðu þau svo við í 1. bekk og unnu skemmtilegt verkefni með þeim.  Börnin voru mjög áhugasöm um skólann og spurðu margs.

 

 

 

Sjá allar fréttir